Турската влада денеска ќе одржи седница на која ќе биде разгледано зајакнувањето на безбедноста долж границата, по самоубиствениот напад во Суруч во кој загинаа 32 лица, а повеќе од 100 беа ранети.
На седницата, со која ќе претседателствува турскиот премиер Ахмет Давутоглу, ќе биде разгледан „акцискиот план“ за безбедност.
Давутоглу истакна дека владата ќе ги преземе сите неопходни мерки за да се осигури безбедноста на Турција, пренесува агенцијата АФП.
Турската полиција употреби солзавец и водени топови против повеќе од стотина демонстранти, кои излегоа на улица за да го осудат нападот во градот Суруч.
