Турската влада издаде налози за апсење 25 војници во земјата, но и во северниот дел на Кипар, населен со кипарски Турци, соопштија безбедносните сили.
Операцијата е дел од острите мерки што Анкара ги презеде по минатогодишниот обид за пуч.
Властите трагаат по војници, кои се на активна должност на различни позиции во турската војска, во 13 провинции и во Северен Кипар, соопшти извор кој побарал да остане анонимен.
Обвинителите во југоисточната провинција Мардин наложи апсење на војници поради „тајните воени структури“ на муслиманскиот свештеник Фетулах Ѓулен, кој со години живее во егзил во САД, а кого Анкара го обвинува за организирање на пучот.
Од јули 2016 година, кога беше извршен обидот за пуч, турските власти уапсија повеќе од 50.000 лица, кои се соочуваат со судски процеси поради обвинение за поврзаност со Ѓулен, додека 150.000 лица се сменети или суспендирани од позиции во приватниот сектор.
