Официјална Анкара бара создавање безбедносна зона, широка 10 километри, на северот на Сирија, кој се граничи со Турција, соопшти денеска турскиот вицепремиер Јалчин Акдоган во интервју за турската телевизија „А Хабер“.
– Она што го сакаме е создавање на безбедносна зона 10 километри во длабочина на територијата на Сирија – рече Акдоган.
Според турскиот вицепремиер, Акдоган, тоа би била зона во која би немало воени судири.
Сириските Курди во последните денови почнаа офанзива против припадниците на Исламска држава на северот на Сирија. Анкара остро реагираше на офанзивата и побара нејзино запирање, а притоа изврши и серија ракетни и артилериски напади врз курдските позиции.