fbpx

Турските власти отпуштија 8.390 државни службеници

-

Турските власти денеска отпуштија 8.390 државни службеници поради наводна поврзаност со терористички организации, а наредија и затворање на повеќе од 80 организации, меѓу кои и спортски клубови.

Како што јавуваат турските медиуми, отпуштените службеници се од 63 различни државни институции, а меѓу нив 2.687 лица се полицајци, 1.699 се вработени во Министерството за правда, а 838 се здравствени работници.  Меѓу отпуштените има и стотици вработени во други министерства, како и 631 академик и осум членови на Државниот совет.

Ова е најнова чистка во редовите на турската администрација по неуспешниот обид за пуч на 15 јули минатата година. Претходно, повеќе од 100.000 луѓе беа суспендирани или отпуштени.

Властите наредиле и затворање на 83 организации, меѓу кои и осум спортски клуба поради обвиненија дека имале активности што влијаеле на државната безбедност. Повеќето од организациите се од југоисточниот дел на Турција, каде живеат мнозинство Курди.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Деновите од изборите ќе се одработат, учениците подолго ќе престојуваат во училиште

Министерството за образование и наука информира дека наставата од деновите на гласање - 24 април и 8 мај, како и од 30 ноември кога беше организиран Самитот на ОБСЕ...