Министерот без ресор задолжен за странски инвестиции, Елвин Хасан беше во работна посета на Турција каде што се сретнал со министерот за надворешни работи, Мевлут Чавушоглу, министерката за трговија, Рухсар Пехџан и министерот за индустрија и технологија, Мустафа Варанк.
„И покрај тоа што Република Турција е еден од најголемите инвеститори во нашава држава, се констатираше дека сточарството, текстилот и технологијата се области кои се од интерес за нови инвеститори. Разгледана беше опцијата на извоз на јагнешко месо, кое е споменато и претходно. Министерот Хасан ги презентираше тековните услови за инвестирање, потенцијалните проблеми и нивните решенија“, се вели во соопштението од Влада.