fbpx

Туристите од Албанија ги заменија Грците на Пелистер

-

Последниве години, откако гостите од Грција го загубија интересот да се одмораат на Пелистер, сè помасовни се посетите на туристи од соседна Албанија. И оваа година, Албанците веќе го пикирале хотелот „Молика“ за прослава на католички Божик и за Василица, Стара нова година.

– Веќе имаме резарвации за тури од Албанија за 12 декември, кај нив е празник , па групи доаѓаат цел викенд во нашиот хотел. Исто така, тие се заинтересирани  да ги поминат престојните верски празници на Пелистер. Последните години хотелот е најпосетен од туристи од Албанија, Полска и од Словенија, а, за разлика од порано, сè поретки се гостите од Грција – вели Мирјана Митревска, директорка на хотелот „Молика“.   
Хотелот „Молика“, кој работи под капата на ЕЛЕМ, ќе инвестира околу 2 милиони евра за реновирање на објектот и за изградба на нова конференциска сала за сто учесници, базен и сауна.
– Хотелот ќе се доградува на задниот дел со нови содржани, инвестицијата е обезбедена, се прави проектот, се надеваме дека тоа ќе ни донесе уште повеќе туристи на Пелистер – вели Митревска.
Во моментов се прават и последните проби и подготовки за жичарницата „Копанки“ и ски-лифтот. Она на што се надеваат од хотелот „Молика“ е дека оваа зима ќе има доволно снег посетителите да уживаат во убавините на планината и во белите спортови.

А.Б.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...