fbpx

„Цивил“ бара политичките партии, кандидатите и институциите да ги почитуваат законите

-

Невладината организација „Цивил“ упати барање до политичките партии да го почитуваат Изборниот законик, Уставот и законите на Република Македонија, да го почитуваат изборниот молк и да ги сопрат евентуалните планови, ако такви постојат, за изборен поткуп, притисоци и за манипулација на гласачите.

„Бараме од родителите и од наставниот кадар да ги почитуваат децата и да ги остават надвор од политиката. Секој обид да се наруши изборниот молк и да се прекршат законите поврзани со изборниот процес, веднаш да бидат сопрени и санкционирани. Не смее да има толеранција за каков и да е притисок, закана или корупција (купување гласови). Бараме од Државната изборна комисија и ја охрабруваме да ги искористи сите свои законски ингеренции до максимум за да спроведе законит, демократски, фер и слободен изборен процес. Ингеренциите на ДИК се највисоки од сите досегашни состави на оваа институција и таа се наоѓа на врвот на изборниот процес. ДИК не мора да чека приговори и жалби, туку може да дејствува според сопствени наоди и мислење“, велат од невладината.

„Цивил“ ги повика граѓаните да гласаат слободно, според сопственото убедување, а оние кои нема да се најдат на Избирачкиот список, тоа да го пријават. Невладината организација апелираше до медиумите да бидат непристрасни и професионални, да бидат на висина на својата задача и да манифестираат максимална професионална и морална одговорност.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Собранието ги изгласа измените на Законот за извршување на санкциите

Со 78 гласа „за“, Собранието денеска го изгласа Предлог-законот за изменување и дополнување на Законот за извршување на санкциите. Од Министерството за правда соопштија дека Законот има за цел решавање...