fbpx

СИРИЗА веднаш ги потврди црвените грчки линии за името

-

СИРИЗА одлучи да ја сподели историската шанса за левицата да владее со Грција со екстремно десничарската партија Независни Грци. Иако овој политички брак беше очекуван и најавуван поради истите ставови против поликата за штедење на СИРИЗА и на Независни Грци, сепак покрена голем број прашања и дилеми.

Сепак, двете партии веднаш се согласија околу прашањето на името.

По изјавата на Теренс Квик портпаролот на Независни Грци дека ќе се замрзне привремено процесот за преговарање за името поради итните економски прашања, медиумите јавуваат дека СИРИЗА и нејзиниот коалициски партнер веќе постигнале договор околу прашањата од надворешната политика.

„Извори од Независни Грци велат дека СИРИЗА ќе ги почитува црвените линии на партијата за надворешната политика и за националните прашања“, пренесува весникот „Та неа“, кој изутринава првпат излезе со црвена насловна страна наспроти досегашната сина.

Панос Каменос досега многупати јасно има посочено дека „нема да дозволи некој да ја продаде Македонија“ и да ни го отстапи нам, како држава, ова историско име, поради што дел од аналитичарите кои го следат спорот, коментираат дека со него во влада СИРИЗА веројатно ќе гледа што помалку да го отвара ова прашање бидејќи секој обид за чекор напред може да наиде на отпор од Независни Грци.

Големите реакции за овој политички брак се очекуваат откако Ципрас ќе ја фомира владата и ќе ја претстави нејзината програма, што се очекува да се случи следните неколку дена.

Новинарските и аналитичарските кругови коментираат дека оваа ситуација била очекувана, но, сепак, комбинацијата е тешка да се прифати со оглед на минатото на Каменос. Се покреваат голем број прашања околу тоа како може левичарска партија со прогресивни ставови за голем број прашања, како имиграцијата, надворешната политика, правата на ЛБГТ-заедницата, цивилниот брак…, да соработува со партија со радикални ставови за националните прашања и конзервативни ставови по другите теми.

– Заедницата против мерките за штедење е над сè. Разликите за прашања како имиграција и надворешна политика се важни, но не се толку важни како договорот против „тројката“ – објаснува грчкиот аналитичар Јоргос Ѕогопулос.

Оцените се дека двете партии се зближени со популистичките ветувања и со желбата по секоја цена да се формира влада, па можно е да замижат за некои прашања околу кои не се согласуваат, иако тие остануваат отворени и проблематични за Грција.

Она што го коментираат сите медиуми е дека Ципрас, покрај историската шанса, има и огромна одговорност која паѓа на негови плеќи за да ги одржи ветувањата до грчкиот народ дека ќе донесе надеж за спас, за покомотна финансиска иднина и подобри услови за живот, паралелно со обврската за преговарање за грчкиот долг без при тоа да ја втурне Грција во неизвесност и во опасност за нејзината иднина.

М.П.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...