fbpx

Ципрас дециден дека нема да има нови мерки за штедење

-

Грчкиот премиер, Алексис Ципрас, испрати остра порака до кредиторите дека Грција нема да спроведе ниту една дополнителна мерка од тие што се веќе договорени. Точно две години откако СИРИЗА е на власт во државата, Ципрас во интервју за „Весник на новинарите“ порачува дека нема да дозволи нови притисоци од кредиторите и стави крај на гласините за нови мерки за штедење во државата.

„Категорично истакнавме дека нема шанса да усвоиме ниту едно евро дополнителни мерки за штедење. Барањето за нови мерки за штедење, и тоа условно, не е само против грчкиот Устав, туку е против законите на демократијата и европското право“, вели Ципрас во интервјуто.

Грчкиот премиер ги отфрла сите можности за предвремени избори. Како што вели, не се плаши од предвремени избори, но не гледа поента тие да се организираат сега.

„Ние секогаш бевме назад во предизборните анкети, но победивме на изборите. Изборите ќе се организираат кога е предвидено и откако државата ќе излезе конечно од кризата“, вели грчкиот премиер.

Најновите анкети повторно ја покажуваат СИРИЗА на второ место зад десничарската Нова демократија, но покажуваат и голема разочараност и недоверба на граѓаните и кон двете партии и општо кон политичкиот систем во државата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...