Централното собрание на ДПА на денешниот состанок ги утврди кандидатите за пратеници за претстојните вонредни парламентарни избори, закажани за 11 декември годинава.

Носител на листата од оваа партија во првата изборна единица ќе биде Идриз Орана, изборната единица два ќе ја предводи Орхан Ибраими, во третата изборна единица носител ќе биде Самир Рушити, во петата изборна единица прв на листата на пратеници ќе биде Адријан Усеини.

Претседателот на ДПА, Мендух Тачи, ќе биде носител на листата во шестата изборна единица.

Во четвртата изборна единица, ДПА нема да учествува на изборите со свои кандидати за пратеници.