Бразилскиот претседател Луис Инасио Лула да Силва прогласи тридневна жалост поради авионската несреќа кај Сао Паоло, во која вчера загинаа 61 лице.
„Од моментот на објавување на оваа уредба, официјално прогласувам тридневна жалост низ целата земја за жртвите во авионската несреќа“, се вели во објава на Лула да Силва на социјалната мрежа „Х”.
Бразилската агенција за цивилно воздухопловство соопшти дека авионот, кој бил изграден во 2010 година, бил „во добра работна состојба, со валидни сертификати за регистрација и пловидбеност“, објавува Би-би-си.
Четворицата членови на екипажот во моментот на несреќата биле соодветно лиценцирани.
Болницата за рак на Уопека во Каскавел изјави за Би-Би-Си Бразил дека двајца нејзини лекари биле меѓу патниците кои починале.
Моментот на падот на патничкиот авион го посведочиле локални жители.
