fbpx

Три месеци од несреќата кај Ласкарци: Обвинителството уште „ги утврдува фактите“

-

Навршија три месеци од трагичната автобуска несреќа на компанијата „Дурмо турс“ кај село Ласкарци, а Основното јавно обвинителство (ОЈО) сè уште не поднело обвинение за истото, пишува „Порталб.мк“.

Основно јавно обвинителство соопшти дека шестмина осомничени се во домашен притвор, додека за еден е пропишана мерката надзор.

„Со одлука на Основниот суд Скопје 1, на шестмина осомничени за кривично дело – Тешки кривични дела против безбедност на лицата и имотот во сообраќајот, им е изречена мерка куќен притвор. Од нив, на тројца вработени во станицата за техничка контрола оваа мерка им е изречена веднаш по започнувањето на истражната постапка, додека на останатите тројца осомничени првично им беше изречена мерката притвор, а потоа истата е заменета со мерката домашен притвор. За лицето осомничено за кривичното дело – Несовесно извршување на работата, со судска одлука е изречена мерката надзор”, изјавија од ОЈО.

На прашањето за тоа, кога се очекува да биде поднесено обвинение, од ОЈО немаат конкретен одговор.

„Истражната постапка е во тек, а пак одговорните јавни обвинители преземаат активности и работат на обезбедување на потребните докази”, изјавија од ОЈО.

Покрај несреќата, на 13 февруари 2019 година, граѓаните се соочија и со говор, кој според познавачите на социјалните и правните прашања беше оценет како говор на омраза. Тоа е случајот со професорката Билјана Ванковска, при што за неа и за други лица, Министерството за внатрешни работи (МВР) достави информации до ОЈО за користење на говор на омраза. За ова, од ОЈО известија дека се уште работат на утврдување на фактите и индициите на МВР.

„Во однос на извештаите поднесени од страна на Министерството за внатрешни работи за укажување дека неколку лица, веднаш по несреќата користеле говор на омраза на социјалните мрежи и други медиуми, Основно јавно обвинителство работи на утврдување на фактите и тие индиции. Ако се докажат елементи на кривично дело, против лицата ќе се спроведе постапка”, рекоа од ОЈО.

Истрагата на ОЈО покажа дека причина за несреќата биле неисправните сопирачки и големата брзина од 99 километри на час.

Шест лица се обвинети за кривичното дело „Тешки дела против безбедноста на лицата и имотот во сообраќајот”, додека седмото лице е обвинето за “несвесно вршења на работата”, бидејќи потврдил дека тахометарот (уред за мерење брзината на автобусот) бил во ред, без претходна проверка.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Германија добива онлајн регистар на донори на органи

Германскиот онлајн регистар на донори на органи вчера беше отворен со две години задоцнување. Министерот за здравство Карл Лаутербах оцени дека тоа придонесува за транспарентност и поголема подготвеност на...