Тројца загинати е епилогот од денешната сообраќајна несреќа што се случи на автопатот Свети Николе-Штип во близина на наплатната рампа „Кадрифаково“. Како што информираат од МВР, незгодата се случила околу 12:30 часот на автопатот Штип-Миладиновци, недалеку од местото викано „Криви Дол“. Во несреќата загинале три лица на возраст од 15, 37 и 62 години.
Од МВР информираат дека сообраќајната несреќа се случила помеѓу патничко возило „тојота лендкрузер“ со кочански регистарски ознаки, управувано од Д.С.(29) од Кочани и „шевролет калос“ со скопски регистарски ознаки, управувано од Д.М.(44) од Скопје.
Во сообраќајната несреќа биле повредени неколку лица, и тоа двајцата возачи, Д.Х (34) како сопатник во возилото „тојота“ и уште еден малолетен сопатник од возилото „шевролет“, кои биле пренесени за укажување на лекарска помош во Клиничката болница Штип. Увид на лице место извршила увидна екипа од СВР Штип.
