Дваесет и едногодишниот Ј.Љ, кој е третоосомничен за убиството на Никола Саздовски Саздо, денеска е екстрадиран од Германија, информираат од Министерството за внатрешни работи.
Ј.Љ е осомничен дека сторил кривично дело „убиство“ односно на 29 јули 2018 година околу 17.35 часот во Скопје, заедно со Б.Б. и С.Д. го нападнале Н.С., кој починал од нанесените повреди. За Ј.Љ. беше распишана меѓународна потерница на барање на ОЈО Скопје.
„Секторот за меѓународна полициска соработка при МВР презеде соодветни мерки и активности и со активна потрага по него, односно по негово лоцирање, разменети се информации со германската полиција, по што лицето беше приведено од германската полиција, а потоа и преземени соодветни мерки и активности за негово испорачување во Република Северна Македонија“
Во изминатиот период од 18 месеци, како резултат на соработката со германската полиција, во Германија се приведени 50 лица по кои трагаат нашите институции, од кои дел се екстрадирани, а за дел постапката е во тек.
Претходно „Вистиномер.мк“, во рамките на својата ексклузивна соработка со Фејсбук, за проверка на вистинитоста на објавите појасни дека осомничениот Ј.Љ е пронајден во Германија и истиот не е во блиско ниту подалечно сродство со вицепремиерот Артан Груби.
