Со целосна рударска опрема, но во кругот на рудниците, и денеска се рударите на „Индоминерали и метали“. И понатаму трае прекинот на работата во Злетово и во Тораница, во исчекување на јануарската плата. Според синдикатот, на четврти март им биле исплатено авансно по 5.000 денари за јануарската плата. Тие побарале целносно да им се исплати платата како услов да се вратат на работа. Денеска им било соопштено дека раководството може да исплати ист износ за сите до минималната плата. Рударите тоа не го прифатиле и одлучиле да го спроведат прекинот на работата, сè до целосната исплата на јануарската плата.
Двата рудника и досега имаа проблеми со иплатата. По прекинот на работата пред осум месеци, синдикатот и раководството се договорија до крајот на годината да се надоместат сите заостанати плати. Договорот се почитуваше до завршувањето на минатата година.
