fbpx

Тренчевска: Три девојчиња годинава биле жртви на сексуална експлоатација

Министерката рече дека во минатата година идентификувани биле 9 жртви на трговија со луѓе, од кои осум женски и едно машко лице. Најголем број од лицата се на возраст од 14 до 17 години

-

Пет мобилни тимови во Скопје, Битола, Куманово, Гевгелија и Тетово се ангажирани за идентификација на ранливи категории граѓани, вклучително и жртви на трговија со луѓе, соопшти министерката за труд и социјална политика Јована Трленчевска, на регионалната конференција „Успешни заедно! Регионални увиди и пристапи за спречување и борба против трговијата со луѓе“, организирана во рамките на проектот на Германско друштво за интернационална соработка „Спречување и борба против трговијата со луѓе во Западен Балкан“.

Во составот на мобилните тимови има претставници на центрите за социјална работа,  претставници на Министерството за внатрешни работи, Националната единица за борба против трговија со луѓе и здруженија на граѓани.

Тренчевска рече дека во минатата година идентификувани биле 9 жртви на трговија со луѓе, од кои осум женски и едно машко лице. Најголем број од лицата се на возраст од 14 до 17 години.

Министерката информираше дека во 2023 година, три девојчиња биле цел на сексуална експлоатација.

Фото: Министерство за труд и социјална политика

„Трговијата со луѓе претставува сериозна повреда на човековите права и претставува закана за слободата и безбедноста на секое општество. Нашата држава како и земјите во регионот често играат улога во секоја од фазите на трговија со луѓе – како земја на потекло, транзит или дестинација. Би сакала да ги изразам искрените поздрави до земјите од регионот – да ја истакнам потребата од заедничка, обединета акција против трговијата со луѓе, која е транснационален организиран криминал“, рече Тренчевска.

На настанот присуствуваше и министерот за внатрешни работи, Оливер Спасовски, заменикот амбасадор на Сојузна Република Германија, Ото Граф, директорот на ГИЗ во Република Северна Македонија Давид Оберхубер и директорот на MARRI, Сашко Коцев.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Посебен сообраќаен режим в недела заради атлетска трка на Средно Водно

Во недела, со почеток во 9 часот, поради атлетска трка на 10 километри, со траса на движење од долниот паркинг на Средно Водно по регионалниот пат (Р2138) до паркингот...