Републиканскиот кандидат во трката за претседател на САД, Доналд Трамп, води со 44 отсто во однос на кандидатката на демократите, Хилари Клинтон, која има поддршка од 39 отсто, покажува анкетата на „Си-ен-ен“.
Рејтингот на Трамп по конвенцијата на Републиканската партија скокна за шест отсто и тоа воедно е негов најдобар рејтинг во однос на Клинтон од септември 2015 година.
Трамп предноста ја добил благодарение на порастот на поддршката помеѓу независните избирачи од кои 43 отсто по конвенцијата во Кливленд истакнале дека најверојатно ќе го поддржат, додека 41 отсто рекле дека нема да му ја дадат поддршката.
Рејтингот на Клинтон, според анкетата, се подобрил помеѓу избирачите со завршено високо образование и во таа група има предност од 44 отсто наспроти 39 отсто за Трамп.
Помеѓу белците без факултет, Трамп има поголемо водство, односно 62 отсто рејтинг, за разлика од Клинтон, која има 23 отсто.
