fbpx

Трамп сака одложување на претседателските избори во САД закажани за ноември

-

На 96 дена пред одржување на американските претседателски избори, актуелниот претседател на САД, Доналд Трамп преку твит посака одложување на изборите закажани за ноември до моментот кога американските граѓани ќе можат правилно, безбедно и сигурно да гласаат.

„Со универзално гласање по пошта (а не гласање во отсуство, што е добро), изборите во 2020 година ќе бидат најизмамничките во историјата. Тоа ќе биде голем срам за САД“, напиша Доналд Трамп на својот Твитер профил.

Во согласност со американското законодавство, претседателот Трамп нема овластувања за да го одложи одржувањето на претседателските избори, при што, какво било одложување, мора да биде одобрено од американскиот Конгрес, јавуваат Си-ен-ен и Би-би-си.

Доналд Трамп преку неколку твитови, без објавување на конкретен доказ, објасни дека универзалното гласање по пошта може да биде подложно на странски влијанија, посочувајќи дека демократите говореле за мешањето од странство во изборите, но знаеле дека ваквиот начин на гласање било лесен начин за странските земји да влезат во трката.

Би-би-си појаснува дека неколку сојузни држави во САД имаат долга историја за гласање по пошта. Си-ен-ен пак посочува дека нема никаков доказ дека гласањето по пошта води кон измама на изборите.

Инаку, Доналд Трамп како кандидат на републиканците ќе се натпреварува за нов претседателски мандат на претстојните избори во САД. Главниот противкандидат на Трамп, кандидатот на демократите Џо Бајден веќе предупреди дека актуелниот американски претседател ќе се обиде да ги одложи изборите закажани за во ноември. Бајден истакна дека Трамп ќе проба да најде образложение поради кое изборите не би се одржале на закажаниот датум.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...