fbpx

Трајко Славески избран за претседател на Советот на град Скопје

-

Поранешниот министер за финансии и предводникот на советничката листа на ВМРО-ДПМНЕ Трајко Славески денеска беше избран за нов претседател на Советот на град Скопје. Зад неговиот избор застанаа 26 советници од коалицијата предводена од ВМРО-ДПМНЕ, Левица, Алијанса за Албанците и Алтернатива и ЛДП/ДОМ. Неговиот избор не го поддржаа советниците од СДСМ, ДУИ и Зелен хуман град.

И покрај тоа што дадоа поддршка на изборот на Трајко Славески за нов претседател на Советот на град Скопје, советниците Никола Пановски и Теодора Крстевска од ЛДП и ДОМ се изјаснија дека ќе бидат опозиција во новиот состав на градскиот совет.

На локалните избори годинава ВМРО-ДПМНЕ освои 18 советници, СДСМ 12, ДУИ 5, Левица 4, Алијанса за Албанците/Алијанса 2, ЛДП/ДОМ 2 и Зелен хуман град 2 советници.

За формирање на мнозинство во скопскиот совет, неопходно е од вкупно 45-те советници, одлуките да ги поддржуваат минимум 23 градски советници.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Фотографија од Макрон е креирана со вештачка интелигенција

Ако внимателно ја набљудувате фотографијата на Емануел Макрон, забележливо е дека е создадена од вештачка интелигенција. На пример, претседателот на Франција има неприродно долги прсти на десната рака, а...