fbpx

Трајанов бара закон за одговорност на уставните судии кои го кршат Уставот

-

Отворање постапка за донесување закон за Уставниот суд, во кој ќе се дефинира одговорност на судиите заради прекршување на Уставот, а на сегашните судии да им престане мандатот, бара партијата Демократски сојуз на пратеникот во Собранието, Павле Трајанов.

Од партијата преку соопштение велат дека со одлуката на Уставиот суд за укинување на одредби од Законот за помилување, се создаваат законски основи, односно се декриминализира криминал, со кој „директно се загрозуваат основните демократски и цивилизациски вредност преку слободно кршење на изборните правила од партиските елити, вклучување во нарко-бизнисот, тероризам, како и сексуални напади над малолетници“.

„Демократскиот сојуз смета дека се разурнати темелите на владеење на правото, со што законите нема да важат за сите еднакво и не е можно да се одржат избори. Ако почне процес на аболиција на тие што ја фалсификуваат волјата на граѓаните, тоа ќе предизвика нестабилност во државата и целосна блокада на евроинтеграциските процеси. Демократскиот сојуз предлага да се отвори постапка за донесување закон за Уставниот суд, во кој ќе се дефинира одговорност на судиите заради кршење на Уставот или доколку носи одлуки со кои се нарушува владеење на правото или поттикнува на вршење криминал, а на сегашните судии да им престане мандатот“, стои во соопштението на Демократскиот сојуз.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Атлантик: Со среќа во борбата против дезинформации

Угледниот американски магазин Атлантик објави опширен напис, во авторство на Квинта Џуресик, со наслов „Со среќа во борбата против дезинформациите“. Сторијата се однесува на Ник Сојер, доктор во Калифорнија....