Легална за лиценца за работа дискотеката „Пулс“ нема. Говорам за лиценци кои се во најмала рака фалсификувани лиценци, нелегални, издадени во 2024 година. Има сомнение дека се добивани на коруптивен начин. Не можам да дадам повеќе детали за да не ја загрозам истражната постапка, изјави пред малку министерот за внатрешни работи, Панче Тошковски.
„Не откривам повеќе детали оти сме во многу рана фаза на таа истражна постапка. И оваа лиценца како и многу други работи е поврзана со мито и корупција. За разлика од претходно, во овој случај, одговорните имаат име и презиме тие кои се вклучени во нелегално издавање лиценци и ќе одговараат“, истакна Тошковски.
Тој кажа дека со овој случај се открива криминал кој се таложел 30 години во државата.
