Институтот за судска медицина добил овластување од министерот за здравство, Никола Тодоров, да направи обдукција и ДНК-анализа на телото на Дениса Маркоска.
Директорот на Институтот, Алексеј Дума, изјави дека министерот нагласил дека треба да им излезе во пресрет на барањата на семејството Маркоски.
Во изминативе 24 часа, нејзиното семејство побара помош од премиерот Никола Груевски. Тие побараа од него да одобри нова обдукција за да ја дознаат причината за смртта на нивната ќерка.
Дениса Маркоска исчезна од бродот „Серенисима“ на 12 септември годинава. Две недели подоцна, нејзиното тело беше најдено во Средоземно Море. Првата обдукција на грчките патолози засега не ја откри причината за смртта.
