Американскиот државен секретар, Рекс Тилерсон смета дека не треба да се продлабочува дипломатскиот јаз меѓу САД и Русија и дека земјите треба да почнат да работат на подобрувањето на односите.
– Мислам дека секретарот (Тилерсон) смета дека понатамошна ескалација не е неопходна во овој момент и оти се надеваме на напредок во иднина – изјави Хедер Нојерт, портпаролка на Стејт департментот.
Нојерт рече дека амбасадорот и специјален претставник на САД во разговорите со руските претставници за Северна Кореја, Џозеф Јун, ја посетил Москва за да се разгледаат начините како да се осуети нуклеарната и ракетната програма на Пјонгјанг.
