The First Descendant најнова бесплатна игра со пукање слична на Warframe

The First Descendant скриншот од Steam
The First Descendant скриншот од Steam

The First Descendant e најнова бесплатна игра со пукање слична на Warframe, графиката е впечатлива и “Next Gen”, а уште веднаш можете да се пријавите за бета тестирањето што ќе се одвива од 20 до 26 октомври на Steam

Тоа е пократкиот трејлер за The First Descendant со најнови снимки од играта што излезе на Tokyo Game Show 2022, а во продолжение ви го преставуваме и првиот подолг трејлер при скорешната прва најава на оваа игра: 

Што се однесува до приказната, играте со наследници на специјални моќи кои ги штитат луѓето од освојувачи. Играта има сајберпанк елементи и покрај моќите, искомбинирана е и технологија – специјални одела и импланти за појачување на борбените способности. 

Се работи за “group to play shooter” игра што би требала да биде динамична, брза и скок во инстант акција, како што е случајот и со имитираната Warframe. 

Ликовите во The First Descendant се пандан на ликови од Warframe. Иако моментално ги има помалку за бирање, тие се интересно направени. Добри додатоци се светот и околините, употребата на “grapling hook” и општо самиот “gameplay” што се базира повеќе на акција со пукање и употребување на моќи со различни елементи -оган, мраз, електрицитет, физичка сила итн.

На пример ликот на Lepic во The First Descendant има механичка рака слично како на “Lies of P” со која манипулира со оган. Таков сличен лик во Warframe е женскиот лик наречен Ember, ликот на Bunny е пандан на ликот Volt во Warframe и користи електрицитет и брзо трчање, ликот на Viessa користи моќи за замрзнување исто како Frost на Warframe, ликот на Ajax e тенк со голема физичка сила како Rhino во Warframe итн.

Уште е рано да се шпекулира каква ќе биде играта целосно, се додека не ја испробаме, но иако е пукачка игра која користи трето лице за перспективата, има и “shooting from cover” како на Mass Effect игрите.