fbpx

Тевдовски: Праведниот данок е успешна реформа, економијата во одлична кондиција

-

Позитивните очекувања за праведното оданочување се реализираат, истакна министерот за финансии Драган Тевдовски на прес-конференција. Toj посочи дека економијата е во одлична кондиција, што е доказ дека реформите во фискалниот систем се во вистинска насока.

Тевдовски презентираше седум факти за економските остварувања, по воведување на праведното оданочување. Посочи дека во првото тримесечје бројот на вработени е зголемен за 17.000 лица, а невработеноста е сведена на најниско ниво од спроведување на анкетата на работна сила.

-Иако пред воведувањето на праведниот данок во јавноста беше изразена загриженост дека праведното оданочување ќе ја намали вработеноста, се случи сосема спротивното, односно само за едно тримесечје бројот на вработени е зголемен за 17.000 лица.Раст има и кај просечната нето-плата во првите три месеци од 2019 година во споредба со првото тримесечје од 2018 година и тоа за 3,4 проценти, што е повисоко ниво во однос на седумгодишниот просек- рече Тевдовски.

Министерот за финансии истакна дека ова е наспроти тезите кои постоеле во јавноста дека воведувањето на праведниот данок ќе влијае на работодавачите да ги намалат платите на работниците.

Тој посочи дека од почeтокот на годината имаме добра наплата на данокот на личен доход или за 17,4 проценти повеќе во споредба со истиот период минатата година.

-Ова е спротивно на одредени тврдења пред воведување на праведното оданочување, дека ќе ја зголеми даночната евазија. Имаме навистина солидни остварувања и во реалниот сектор од почетокот на годинава. Индустриското производство во периодот од јануари до април 2019 е повисоко за 7,9 проценти во споредба со истиот период минатата година. Извозот на стоки и услуги во периодот од јануари до април 2019 е повисок за 15 проценти во споредба со истиот период минатата година. Инаку просечната стапка на раст на извозот во последните седум години изнесува 9,2 проценти. Ова е спротивно на некои мислења кои претходно постоеа во јавноста дека прогресивното оданочување ќе му наштети на бизнисот – додаде Тевдовски.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Распишан конкурс за наградата „23 Октомври“

Одборот за доделување на државната награда „23 Октомври“, распиша конкурс за доделување на државната наградата за 2024 година. „Со државната награда се оддава највисоко признание за долгогодишни остварувања во областа...