Министерот за финансии Драган Тевдовски, во рамки на делегацијата предводена од претседателот на Владата Зоран Заев, ќе учествува на годишните средби на Европската банка за обнова и развој (ЕБОР), кои ќе се одржат од 7 до 9 мај во Сараево, Босна и Херцеговина.
„Годишните средби на Европската банка за обнова и развој се одлична можност да се сврти вниманието кон потенцијалите за инвестирање во земјава, како и да се зборува за тековни и идни проекти кои ги финансира Банката. Главна тема на годинешните средби ќе биде „Поврзување на економиите за посилен раст““, информираат од Министерство за финансии.
Денеска Тевдовски, заедно со премиерот Заев и вицепремиерот Кочо Анѓушев во Скопје ќе остварат и средба со претседателот на ЕБОР Сума Чакрабарти, кој е во посета на нашата држава.
