Ниту еден од осумте извршители на терористичките напади во Париз не бил бегалец од Блискиот Исток или Африка, туку сите имале пасош од ЕУ.
По нападите во кои се убиени 129 лица, се појавија сомнежи дека напаѓачите влегле во Европа преправајќи се како бегалци, а полските власти дури и јавија дека поради тој ризик нема да го прифатат планот на ЕУ за распределба на бегалците по земјите на Унијата. Една од главните причини за оваа теорија беше сирискиот пасош пронајден кај еден од напаѓачите, но подоцна се утврдило дека станува збор за фалсификуван документ.
Светските медиуми пренесуваат дека напаѓачите не дошле од Сирија, туку се родени и израснати во земји на ЕУ, односно петмина се Французи, а тројца се Белгијци.
Деветтиот осомничен сè уште не е идентификуван, а кај него е пронајден фалсификуваниот сириски пасош на име Ахмад ал-Мохамед.