Велика Британија повторно ќе има жена премиер, првпат по Маргарет Тачер, откако во трката за нов лидер на Конзервативната партија останаа две жени, министерката за внатрешни работи, Тереза Меј, и министерката за енергетика, Андреа Лидсам, јавуваат британските медиуми.
На денешното гласање, Меј добила 199, а Лидсам 84 гласови, додека од трката, со 46 освоени гласови, излегол министерот за правда, Мајкл Гов.
Меј имаше висока предност и по првата рунда од гласањето, кога бројот на кандидати за лидери на партијата беше намален од петмина на тројца.
Меј и Лидсам сега ќе водат кампања низ целата земја за гласовите на околу 150.000 членови на партијата.
Која ќе биде новата лидерка на партијата и премиерка на Велика Британија, прва по Маргарет Тачер, која беше на оваа функција од 1979 до 1990 година, ќе биде познато на 9 септември.
Актуелниот премиер на Велика Британија, Дејвид Камерон, по референдумот на 23 јуни, кога Bританците гласаа за излегување на Европската Унија, најави дека ќе ја напушти функцијата до октомври годинава.
