Тајландската полиција ги ослободи двајцата мажи од сомнежот дека се вмешани во бомбашкиот напад во главниот град Бангкок.
Полицискиот портпарол реле дека е утврдено оти двете лица од снимките на безбедносните камери, кинески турист и неговиот тајландски водич, не се вмешани во нападот во кој загинаа 20 лица.
Тајланѓанецот претходно сам и се предаде на полицијата, а Кинезот отпатувал дома после нападот.
Главниот осомничен и понатаму е во бегство, а властите веруваат дека сè уште се наоѓа во Тајланд.
Неколку десетици се повредени од експлозијата во светилиштето Ераван.
Полицијата соопшти дека најмалку десеттина лица се осомничени за нападот и оти главниот осомничен е странец. На снимките од надзорните камери се гледа лицето како во чпаркот го остава својот ранец и заминува.
Тајландските власти соопштија дека „малку веројатно“ е нападот да биде дело на некоја меѓународна терористичка група, но оти е потребно детално да се провери тезата за поврзаноста со глобалниот тероризам.