Изгореа најмалку 1.400 автомобили во катна гаража во Ливерпул


Ливерпул, 1 јануари, 2018 - 11:35 (META) 

Најмалку 1.400 автомобили се уништени во пожар што изби во Ливерпул во катна гаража.

Според Би-би-си, евакуирани се луѓе од неколку згради во околината на гаражата. За среќа, нема повредени

Пожарот најверојатно почнал откако се запалил еден автомобил. Во гаснењето учествуваале 21 противпожарно возило. Според локалните медиуми, возила експлодирале на неколку секунди.

Поради пожарот, откажана е ревија на коњи што требало да се одржи во арената „Екоу“ во близина на гаражата.


Ливерпул го „врза“ Кутињо до 2020 година


ЛИверпул, 3 февруари, 2015 - 19:03 (META) 

Фудбалерот на Ливерпул, Филипе Кутињо, го продолжи договорот до 2020 година, потврдено е на веб-страницата на англискиот премиерлигаш.

Англискиот клуб го продолжи договорот со Кутињо три дена откако имаше одличен настап против Вест Хем, кога асистираше на двата гола на Рахим Стерлинг и на Данијел Стариџ.

Кутињо е најдобар асистент на Ливерпул откако во 2013 година пристигна од Интер. Тој на 81 натпревар даде 10 гола.

– Да се игра за Ливерпул е остварување на сонот и мило ми е што сум член на овој тим. Задоволен сум што во следниот период ќе играм за Ливерпул. Отсекогап ја имав поддршката од сите во клубот и сакав да останам – рече Кутињо.


Лавеци заминува во Ливерпул


Ливерпул, 21 јануари, 2015 - 11:39 (META) 

Ливерпул постигна договор со Пари Сен Жермен за ангажирањето на аргентинскиот напаѓач Езекиел Лавеци, пишува порталот „Спорт медијасет“.

Дваесет и деветгодишниот Лавеци во следните неколку дена ќе допатува во Англија, а како што наведува порталот, во трансферот вреден 10,5 милиони евра, не се вклучени разните бонуси кои зависат од неговите идни настапи.

Серознава Лавеци за парижаните одигра 18 натпревари во првенството во Франција и во Лигата на шампионите и постигна два гола.


Роџерс: Балотели ќе мора да се навикне на клупата


Ливерпул, 26 декември, 2014 - 13:09 (META) 

Менаџерот на Ливерпул, Брендан Роџерс, соопшти дека фудбалерот Марио Балотели мора да се навикне на резервната клупа.

Балотели летово од Милан премина во Ливерпул, досега одигра 15 натпревари и постигна два гола за „црвените“. Тој не беше во првиот тим од 8 ноември, а на 14 декември влезе во игра од клупата, во поразот со Манчестер јунајтед од 3:0.
Италијанскиот фудбалер ќе биде во конкуренција за тимот за натпреварот против Брнли, но Роџерс навести дека нема да го стави во првата постава поради промена на формацијата на 3-4-3.

– Најдобри сме кога играме агресивно. Клучот е да извршиме агресивен притисок, нашата игра ќе биде сè0 подобра затоа што играчите се привикнуваат на тој систем. Видовме дека тоа баш не му одговара на Балотели. Тој е играч кој е најдобар околу казнениот простор и ќе мора да се навикне на резервната клупа – рече Роџерс.


Стерлинг е „Златно момче“ за 2014 година


Торино, 20 декември, 2014 - 16:12 (META) 

За најдобар млад фудбалер на годината е прогласен 20-годишниот напаѓач на Ливерпул, Рахим Стерлинг. Тој ја доби наградата „Златно момче“, која традиционално ја доделува италијанскиот весник „Тутоспорт“. Рахим беше еден од клучните фудбалери на Ливерпул за 2014 година.
– Ова е голем успех за мене, пресреќен сум, секогаш сум сонувал да играм фудбал на највисоко ниво и убаво е кога знаете дека луѓето ги препознаваат вашите квалитети – рече Стерлинг.


Навивачите на Ливерпул бараат од тренерот Роџерс да си оди


Ливерпул, 4 ноември, 2014 - 10:21 (META) 

Навивачите на Ливерпул имаат намера јавно да го искажат незадоволството од резултатите на „црвените“ и од тренерот на тимот, Брендан Роџерс, па планираат за натпреварот против Челзи, овој викенд, да изнајмат авион на кој ќе биде закачен транспарент со натпис „Роџерс оди си“.

На Роџерс му се префрла тоа што потрошил 215 милиони фунти за засилувања во претходните четири преодни рока, а нема никакви резултати.

Евентуланиот пораз вечерва, на тешкото гостување против Реал Мадрид, дополнително ќе го зголеми притисокот врз тренерот на Ливерпул.