Србија де факто го признала Косово, изјави косовскиот заменик-премиер и министер за надворешни работи, Хашим Тачи.

– Тоа де факто се случува на сите нивоа. Институциите на Косово ја контролираат целата држава и ние де јуре немаме присуство на Србија на Косово. Србите од северот се дел од Владата и од Парламентот. Освен тоа Косово е признато од 108 држави во светот, интегрирано е во регионалните и во меѓународните организации и секој ден што минува ја зајакнува независноста на Косово – истакна Тачи во интервју за весникот „Пресе“.