Лидерот на ДПА, Мендух Тачи, тврди дека вонредни парламентарни избори или техничка влада нема да помогнат за излез од кризата. Тој смета дека е потребно да се направи анкетна комисија која треба да ја предводи човек од ДПА, бидејќи единствено неговата партија од четирите големи не е инволвирана директно во скандалот со прислушувањето.
– Прво, мора да се воспостави дијалог и комисија која ќе најде решение за суштинските прашања, па потоа да се оди на избори – рече Тачи по средбата со претседателот на делегацијата на партијата на европски социјалисти, поранешниот бугарски премиер, Сергеј Станишев.
