fbpx

Свилановиќ: Застојот на реформите во Западен Балкан може да се надмине преку интеграција во економијата

-

„Еден регион – една економија“, може да биде добредојдена новина за земјите од Западен Балкан, но само ако е следена со почеста интеракција од ресорните министри од регионот и нивните колеги од институциите од Европската унија. Ова денеска во Минхен го изјави Генералниот секретар на Регионалниот совет за соработка (РСС) Горан Свилановиќ, зборувајќи на сесија посветена на глобалниот дијалог, на конференција организиран од Фондацијата БМВ.

Оценувајќи дека постои парализа на реформите во регионот, Свилановиќ ја истакна клучната потреба Европската Унија да го вклучи Западен Балкан во својата визија за иднината и тоа пред сè со поголемо ангажирање за решавање на нерешените прашања меѓу земјите, кои го спречуваат нивниот напредок.

-Постоечкиот застој во реформите може да се реши со чекорење кон единствен пазар на трудот на Западен Балкан, кој подразбира слободно движење на работната сила, единствен информациски простор кога станува збор за информатичките и комуникациските технологии и единствен инвестициски простор, кога станува збор за либерализација на трговијата со услуги, во рамките на веќе во целост либерализираната регионална трговија – предложи Свилановиќ.

Регионалниот совет за соработка е меѓувладино оперативно тело на Процесот за соработка во Југоисточна Европа, каде што полноправен член и основач е и Република Македонија.

Изјавата на Свилановиќ доаѓа по потегот на српскиот премиер Александар Вучиќ, кој на австрискиот канцелар Кристијан Керн на средбата во Белград му предал документ за формирање слободен трговски пазар и царинска унија во Западен Балкан.

Станува збор за идеја која, како што објасни самиот Вучиќ „има за цел да ги зближи нашите територии“ и да се олесни минувањето на стоките. Српскиот премиер кажал дека за предлогот се консултирал со претседавачот на Советот на министри на БиХ,  Денис Звиздиќ и со албанскиот премиер Еди Рама.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Фотографија од човек во воз не го прикажува Пригожин, ниту пак, докажува дека тој е жив

Иако човекот на фотографијата наликува на шефот на Вагнер, сепак на фотографијата има детаљ кој покажува дека не се работи за него. Како што пишува Њузвик, ушите на Пригожин се поинакви...