fbpx

Сулејман Реџепи не се појави во Обвинителство за да даде исказ за говорот на омраза кон Македонците

-

Првиот човек на Исламската верска заедница (ИВЗ) повторно не се појави во Јавното обвинителство за да даде исказ за говорот на омраза кон Македонците, но и кон судијката што го одобри неговото разрешување од функцијата поглавар на ИВЗ, јави „Порталб“.

Причината за неговото непојавување била лошата здравствена состојба на адвокатот на Реџепи, кој преку телефон побарал одложување на распитот.

-При последниот разговор, адвокатот кој доби покана преку телефон, побара одложување поради влошената лична состојба и рече дека не ќе може да присуствува на распитот. Ќе биде испратена нова покана за распит во друг термин – велат од Обвинителството.

Претходно Реџепи не одговори на првата покана да даде исказ за говорот на омраза и преку адвокатот порача дека не може да присуствува поради религиозни причини, односно поради рамазанскиот пост.

Реисот во говор во скопското село Арнакија, на почетокот на возобновувањето на џамија на 14 март, Македонците ги нарече „диви животни“.

– Џамиите да се попречуваат и да не се одоброува нивната изградба, оваа работа нема да ја дозволиме. Никогаш нема да молчиме. Се надеваме со господ напред дека ќе дојдат подобри времиња и секаде имаме народ и места… во село Лажец, битолско каде повеќе од 100 години немаат џамија. Замислете вие каков див народ е овој со кој сме во соживот. Овие се беспримерен див народ, затоа немаат идентитет и нема да имаат никогаш, без разлика што ние сакаме да им помогнеме. Не се помага, бездушниот не се освестува – рече тогаш Реџепи.

Поглаварот на прес-конференција во Кондово, по седницата на Ријасетот на 23 април рече оти слушнал дека судијката која ја донела одлуката за негово разрешување страда од здравствени проблеми, и додаде „нека умре, не ми е жал“, по што доби аплауз од поддржувачите.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...