fbpx

Судскиот совет ги прифати оставките на Мирјана Радевска-Стефкова и Зоран Герасимовски

Оставките завчера беа депонирани во архивата на Судскиот совет, а на денешната 444. седница, тие беа констатирани

-

Судскиот совет на денешната итна седница го констатираше престанокот на мандатите на членовите Мирјана Радевска-Стефкова и на Зоран Герасимовски, по нивното давање оставки.

Оставките завчера беа депонирани во архивата на Судскиот совет, а на денешната 444. седница, тие беа констатирани.

Врховната судијка Мирјана Радевска-Стефкова изјави дека од кога е член на Советот имала определени моменти на разидување во однос на заземените ставови на оваа институција.

Апелацискиот судија Зоран Герасимовски исто така како причина истакна несогласувања и порача оти смета дека поголема полза од него ќе има во Апелацискиот суд.

Герасимовски и Радевска – Стефкова беа избрани за членови на Советот од редот на судиите, на непосредни избори.

За помалку од пет месеци, две претседателки на Судскиот совет беа сменети, што предизвика бран реакции од општата и стручната јавност, политичките актери и меѓународниот фактор.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Атлантик: Со среќа во борбата против дезинформации

Угледниот американски магазин Атлантик објави опширен напис, во авторство на Квинта Џуресик, со наслов „Со среќа во борбата против дезинформациите“. Сторијата се однесува на Ник Сојер, доктор во Калифорнија....