fbpx

Судот во Русија ја забрани социјалната мрежа „Линкдин“

-

Судот во Русија денеска донел одлука со која ја забранил социјално-деловната мрежа „Линкдин“ (LinkedIn), поради кршење на законот за чување на податоците на корисниците.

Како што јавуваат светските агенции, градскиот суд во Москва ја одбил жалбата на компанијата на пресудата на окружниот суд, во која било наведено дека мрежата го прекршила законот кој предвидува дека податоците на државјаните на Русија мора да се чуваат исклучиво на руски сервери.

Од градскиот суд во Москва соопштиле дека „Линкдин“ има право на жалба на денешната одлука.

Тужбата против популарната социјална мрежа за деловни контакти ја поднела Федералната служба за надзор на комуникациите – „Раскомнадзор“.

Интернет-страницата на „Линкдин“ и понатаму е достапна во Русија, а претставникот на „Роскомнадзор“, Вадим Ампелонски, навел дека социјалната мрежа ќе биде блокирана веднаш штом го добијат решението од судската пресуда, најверојанто следната недела.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...