fbpx

Судот пресуди: ЕУ може да им крати средства на Унгарија и Полска ако го кршат владеењето на правото

-

Европскиот суд на правдата ги отфрли жалбите на Унгарија и Полска кон правото на ЕУ да им ги скрати средствата на земјите-членки коишто ги кршат владеењето на правото и демократските стандарди, јавува Би-Би-Си.

Станува збор за милијарди евра од европските фондови, коишто им се достапни на Унгарија и Полска, а за кои судот пресуди дека самата Европска Унија има овластувања за нивното располагање.

Европскиот суд на правдата пресуди дека почитувањето на владеењето на правото е услов за членство во ЕУ, а ваквата пресуда доаѓа во услови кога Унгарија и Полска со години наназад се обвинувани за назадување на стандардите.

„Европските вредности, како што е владеењето на правото, го дефинираат самиот идентитет на ЕУ како правен поредок“, се наведува во изјавата на Европскиот суд на правдата по донесената пресуда.

Инаку, двете земји-членки подолго време беа под истрага од ЕУ за поткопување на независноста на судовите, медиумите и невладините организации. Ваквата судска одлука сега може да влијае на распределбата на милијарди евра меѓу членките на ЕУ.

Претседателката на Европската комисија, Урсула фон дер Лајен, ја поздрави одлуката на Европскиот суд на правдата.

„Комисијата ќе го брани буџетот на Унијата од кршењето на принципите на владеењето на правото. Ќе дејствуваме одлучно“, кажа фон дер Лајен.

Наспроти неа, унгарските и полските власти денеска жестоко реагираа на ваквата пресуда на Европскиот суд на правдата.

Полскиот заменик-министер Јануш Ковалски ја обвини ЕУ дека се обидува финансиски да ги изгладни Полска и Унгарија.

„Ова е крај на ЕУ каква што ја знаеме! Мора да го браниме полскиот суверенитет“, изјави Ковалски.

Унгарската министерка за правда Јудит Варга ја обвини ЕУ за злоупотреба на моќта, додека владејачката партија Фидес на премиерот Виктор Орбан ја оквалификуваше пресудата како политичка одлука.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Реакции по одлуката Саудиска Арабија да го предводи форумот за правата на жените на ОН

Саудиска Арабија е избрана да биде претседавач со комисијата на Обединетите Нации што ја промовира родовата еднаквост, а одлуката е критикувана од групи за човекови права поради исклучително лошото...