На барање на обвинителот што го води случајот, Основниот кривичен Суд во Скопје денеска одлучи да го замрзне имотот – трите стана на фирмата „СС Инвестмент“ во комплексот „Панорама Резиденс“ на Водно. На денешното судско рочиште за случајот „Плацовите на Водно“, судот одлучи да го замрзне имотот, бидејќи бизнисменот Орце Камчев претходно изјави дека овие станови биле дадени како замена за атрактивните парцели на Водно, кои се предмет на обвинението.
Судот денеска одлучи и да не ги прифати како доказ објавените снимени разговори меѓу Никола Груевски и Орце Камчев, коишто деновиве кружат по социјалните мрежи и Јутјуб откако бизнисменот Камчев претходно го даде својот исказ пред судот. Ваквото барање за да се прифатат разговорите како доказ стигнаа како предлог на адвокатот што го застапува по службена должност поранешниот премиер Никола Груевски.
Со денешното судско рочиште заврши и дополнителната доказна постапка. За овој судски случај, од наредната недела обвинителството и адвокати на обвинетите треба да започнат со давање заврши зборови, по што се очекува судот да ја соопшти и пресудата.
