Десет ученици од демирхисарското основно училиште „Гоце Делчев“ се повредени откако автобусот со кој се превезувале се судрил со комби.
Како што соопшти СВР Битола, во несреќата е повреден и возачот на комбито.
Сообраќајната несреќа се случила околу 7.30 часот на патот Демир Хисар – Кичево, а во автобусот имало 30 ученици.
На повредените им била укажана лекарска помош во Клинички центар Битола, по што се пуштени на домашно лекување.
