fbpx

Судењето за „Трезор“ одложено, ќе се чека екстрадиција на Грујевски од Грција

-

Судијката Џенета Бегтовиќ го одложи судењето за случајот на СЈО „Трезор“ за 29 март, оставајќи простор за завршување на екстрадицоната постапка за второобвиниетиот Горан Грујевски заради, како што рече, економично и целисходно водење на постапката.

Останатите обвинети во случајот, поранешниот шеф на УБК, Сашо Мијалков, поранешниот помошник министер Небојша Стајковиќ и екс шефот на кабинетот на Мијалков, Тони Јакимовски, беа присутни на денешното рочиште.

Адвокатот Петар Василев, рече дека тој нема полномошно да му биде бранител на Грујевски, а како што појасни, тој не му е адвокат ниту во постапката за екстрадиција што се води во Грција, туку таму учествува како правен советник на адвокатскиот тим на Грујевски, а грчкиот суд му дозволува да ги следи рочиштата, освен во делот каде што тие се затворени за јавност.

Василев информираше дека во врска со екстрадиционата постапка има правосилно првостепено решение со кое се дозволува екстрадиција на Груејвски во Македонија, но оти таквата одлука на солунскиот суд е обжалена пред Врховниот суд на Грција кој треба да донесе конечна одлука.

Тој не сакаше да шпекулира за колку време би била донесена одлуката на Врховниот суд и наведе дека според она што му го кажале грчките адвокати на Грујевски, постапката во вакви случаи трае обично од три до шест месеци.

Поради ова судијката го одложи денешното рочиште и наведе дека ќе побара од претседателот на Кривичниот суд да назначи адвокат по службена должност доколку некој од најблиските членови на семејството на Грујевски не достави полномошно дека во меѓувреме ангажирале бранител.

Адвокатот Љупчо Шврговски побара од судијката долку е можно почетокот на главната расправа да го закаже за април бидејќи 29 март е многу рано за да се очекува екстрадиција, но Бегтовиќ остана на тој датум.

Според СЈО, осомничените преку фирмата „Финзи“, со која во еден период управувал починатиот Коста Крпач, набавувале опрема за УБК и го оштетиле буџетот за 862.045 евра.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Марш за видливост на трансродовите лица утре пред Влада

Граѓанската иницијатива за заштита и унапредување на правата на трансродовите лица „ТрансФормА“ соопшти дека во пресрет на 31 март, Меѓународниот ден за видливост на трансродовите лица, утре со почеток...