Судбината на Хрватот Томислав Салопек, кој беше киднапиран во Каиро, сè уште не е позната и покрај интензивните напори на владите во Загреб и во Каиро да се реши тешката ситуација.
Египетските власти ја интензивирале потрагата по терористичката група што го киднапираше Салопек, па ги ангажирале хеликоптерите „апачи“, а безбедносните сили направиле претрес на неколку терористички упоришта.
Шефицата на хрватската дипломатија, Весна Пусиќ, по низа направени разговори со египетските официјални лица, се врати во Хрватска.