fbpx

Субвенциите за еколошки мотори на автобусите и годинава останаа неискористени од приватниците

-

Приватните автобуски превозници од скопскиот јавен превоз и годинава не пројавија интерес за искористување на субвенциите на Град Скопје за адаптирање на моторите на автобусите на еколошки горива. Минатата година останаа неискористени средства во висина од 20 милиони денари, а идентичниот износ ќе остане неискористен и во 2019 година поради непостоење на интерес од приватните превозници.

– Градот Скопје на неколку средби се обиде да ги информира и анимира претставниците на приватните превозници за поволностите кои се нудат, но истите не предизвикаа интерес кај нив – велат за „Мета.мк“ од Одделението за односи со јавност на Град Скопје.

Сообраќајот, заедно со домаќинствата и индустриските објекти, се посочени како три најголеми извори на загадување на воздухот во Скопје. Автобусите од јавниот превоз секојдневно сообраќаат по скопските улици, а токму возниот парк на приватните превозници во најголем дел е набавен „на старо“ од странство.

Поентата на овој проект на градските власти е токму на овие превозници да им се овозможи да инсталираат уреди на гас или да се направат други модификации кај постојниот возен парк, со цел да се влијае на намалување на аерозагадувањето во Скопје.

Од Град Скопје информираат дека буџетот за 2020 година е во завршна фаза на креирање, при што сѐ уште не е дефинирана висината на средства кои догодина ќе бидат наменети за адаптирање на постојниот возен парк на приватните превозници со мотори на еколошки горива.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Марш за видливост на трансродовите лица утре пред Влада

Граѓанската иницијатива за заштита и унапредување на правата на трансродовите лица „ТрансФормА“ соопшти дека во пресрет на 31 март, Меѓународниот ден за видливост на трансродовите лица, утре со почеток...