Асоцијацијата на студенти од Балканот на Универзитетот „Џорџ Вашингтон“ во САД ги подржаа ставовите на „Студентски пленум“ против најавените реформи во високото образование.
Студентите од Србија, преку социјалните мрежи, почнаа да се организираат за поддршка на своите колеги во Македонија, против најавениот државен испит. Тие имаат намера в среда да излезат на протести пред македонската амбасада во Белград, во исто време кога е закажан маршот на студентите во Скопје и симболично да ја искажат својата поддршка.
