fbpx

„Студентски пленум“: Има најмалку три други локации за изградба на барокните факултети

-

Изградбата на објектите за Факултетот за информатички науки и компјутерско инженерство и за Факултетот за физичка култура е неопходна затоа што студентите студираат во нечовечки услови. Но, сепак, се поставува прашањето дали овие факултети мораше да се изградат баш на оваа локација, сметаат претставниците на „Студентски пленум“.

– Освен тоа што се исекоа 47 дрвја, има и други нелогичности околу изградбата на овие објекти. Има најмалку три локации каде што можат да бидат изградени овие објкети. На едната локација, спроти Природно-математичкиот факултет, сè уште стои камен-темелникот што го постави поранешниот претседател на Македонија, Борис Трајковски. Локации предвидени за овие факултети има и спроти Факултетот за драмски уметности и на самото место на Факултетот за физичка култура. Поради тоа се сомневаме дека овие локации ќе бидат искористени за нечии приватни цели – изјави Ѓорѓи Рајчиновски.

Тој рече дека „Студентски пленум“ бара ректорот на УКИМ, Велимир Стојковски, до четврток да свика седница на Сенатот, да се разговара за оваа тема и да поднесе одговорност за нетранспарентното работење.

Кирил Дончев од младинската организација „Мугра“ изјави дека доколку до четврток не се свика седница на Сенатот, сите опции се во игра, а за тоа ќе одлучуваат дополнително.

Инаку и денеска на простоторт на УКИМ интензивно се работи на изградбата на новите барокни згради за факултетите ФИНКИ и ФФК.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Промоција на винил компилација „Поп култура“, во чест на Мирко Попов

Вечерва ќе се одржи промоција на винил компилацијата „Поп култура“ во едукативниот културен центар „Лабораториум“, во рамките на платформата „Силата ЕУ Младите“. Изданието содржи песни од млади современи македонски поп...