„Студентски пленум“ денеска најави марш пред надлежните институции со порака да се сопре воведување на новото законско решение за екстерно тестирање на студентите. Студентите очекуваат подршка од своите колеги, но и од професорите.
Според најавите од Министерството за образование и наука, испитот треба да се спроведува двапати: првпат кога студентот ќе ја заврши втора година од студиите, со прашања од сите предмети што дотогаш ги полагал, и уште еднаш на крајот од четврта година со прашања од трета и од четврта студиска година. На оние што нема да ги положат испитите, ќе им биде прекинато школувањето.
