Студентите се подготвени за нови протести доколку Министерството за образование не се откаже од идејата да воведе екстерно тестирање, вели Дарко Малиновски, активист на движењето „Студентски пленум“.
– Министерството треба да ја преиспита потребата за ваков испит, а не да дискутира за начините како тој да се воведе. Во спротивно, ние сме подготвени да излеземе повторно – вели Малиновски.
Во понеделникот, студентскиот протестен марш низ улиците на Скопје го поддржаа повеќе од 2.000 студенти. Меѓу нив беа и дел од професорите на Универзитетот „Св. Кирил и Методиј“. Студентите побараа повлекување на најавените измени на Законот за високо образование и ги оценија како противуставни и против автономноста на универзитетите.
