Странските инвестиции во првите шест месеци од годината изнесуваат 122,92 милиони евра и се за 13,3 милиони евра повеќе во однос на истиот период лани, кога изнесувале 109,6 милиони евра, објави Народна банка.
Најголем прилив на странски капитал во земјава во истиот период има од Германија и тоа 15 милиони евра, потоа следуваат Италија со 8,6 милиони евра, Луксембург со 9,7 милиони евра и Лихтенштајн со 7,7 милиони евра.
Во јуни првпат годинава е регистрирано негативно салдо на странски инвестиции и има одлив од 3 милиони евра.Најголем одлив на капитал од Македонија има во Холандија, вкупно 17,2 милиони евра за шест месеци.