Руските воздушни напади во Сирија, на чија мета се претежно опозициските групи во Сирија, ги „минираат напорите за мирно решавање“ на конфликтот, изјави денеска генералниот секретар на НАТО, Јенс Столтенберг.
– Исто така, зајакнувањето на руското присуство, нејзините акции од воздух во Сирија влијаат на порастот на тензиите и на кршењето на турскиот воздушен простор – рече Столтенберг на состанокот на министрите за одбрана на Европската унија во Амстердам.
Тој додаде дека ситуацијата е предизвик за НАТО поради крешењето на воздушниот простор на НАТО.
Генералниот секретар на НАТО рече дека значителното воено присуство на Русија во Сирија и на истокот на Средоземјето влијае на „стратешката рамнотежа“ во регионот.
– НАТО ги поддржува напорите за изнаоѓање политичко решение за кризата во Сирија – додаде Столтенберг.