fbpx

Ставрески: Каматите за станбените кредити на најниско ниво

-

Проектот „Купи куќа, купи стан“ постигна значителен ефект во делот на создавањето конкуренција и во делот на спуштањето на каматните стапки за станбените кредити, оцени денеска вицепремиерот и министер за финансии, Зоран Ставрески.

Тој истакна дека сега каматните стапки за станбените кредити се на историски најниското ниво од околу три проценти и оти тоа е добра можност за многу граѓани еднаш засекогаш да го решат станбеното прашање.

– Банките, имајќи предвид дека каматните стапки преку проектот „Купи куќа, купи стан“ се ниски, под четири проценти, извршија намалување на каматните стапки за да можат и од сопствени средства да даваат станбени кредити. Каматната стапка за овие кредити е дојдена на историски најниско ниво. Да се добие станбен кредит со каматна стапка пониска од три проценти е добра шанса граѓаните да го решат станбеното прашање еднаш да засекогаш – истакна Ставрески.

Тој додаде дека за него е задоволство што успеале да анимираат голем број граѓани да размислуваат за решавање на станбеното прашање и оти по саемот што беше организиран пред неполн месец, зголемен е бројот на граѓани што аплицираат за проектот „Купи куќа, купи стан“ преку кој директно ќе добијат поддршка од државата до 15.000 евра.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...