Озбек Ајваз е млад и креативен скулптор кој во старото железо гледа нова уметност. Наместо да дозволи металниот отпад да заврши заборавен, тој му дава нов живот преку своите уникатни скулптури. Неговите дела не се само визуелно впечатливи, туку носат и силна порака за одржливост и еколошка свест.
Започнал уште во студентските денови, експериментирајќи со метал што го наоѓал насекаде низ Скопје. Од првата скулптура создадена од собрани материјали во гаражата на својот вујко, па сè до денес, кога неговите дела се изложени во различни јавни простори, Озбек докажува дека уметноста и еко-активизмот можат да одат рака под рака.
Озбек нè запозна со неговиот процес на работа – од инспирацијата, преку барањето материјали, до создавањето на импресивни метални скулптури.
Дваесет и петгодишниот скулптор е вистински доказ за тоа како уметноста може да биде моќен инструмент за подигнување на свеста за рециклирањето и како еден уметник од мала гаража во скопски Чаир создава дела со глобална порака.
View this post on Instagram
Изработката на оваа приказна е поддржана од Фондацијата Томсон како дел од проектот Култура и креативност за Западен Балкан (CC4WBs). Оваа приказна е создадена со финансиска поддршка на Европската Унија. Нејзината содржина е единствена одговорност на авторот и не мора да ги одразува ставовите на Европската унија.
